William Andreas Eriksen ja Sanne Irene Jensvoll Davvi-Norgga Jussaveahkis boahtiba Kárášjohkii gaskavahkku.
Davvi-Norgga Jussaveahkki veahkeha olbmuid ekonomalaš dárbbuiguin, geain muđui ii leat ráđđi advokáhtii. William Andreas Eriksen ja Sanne Irene Jensvoll Davvi-Norgga Jussaveahkis boahtiba Kárášjohkii gaskavahku čakčamánu 28. beaivvi gaskkal diibmu 13:30-15:30. Soai leaba deaivamis čierastallanluohká liekkadanvisttis, geaidnočujuhus Ávjovárgeaidnu 25.
– Jussaveahkki lea áibbas nuvttá. Dat mearkkaša earret eará, ahte mis ii leat ekonomalaš beroštupmi áššiid bohtosiidda dahje ráđiide, maid mii addit. Oažžut mis ráđiid leat sihke čanakeahtes ja nuvttá, čállá Davvi-Norgga Jussaveahkki.
Spesialiseren máŋgga fágasuorggis
Davvi-Norgga Jussaveahkki lea spesialiseren máŋgga fágasuorggis. Dat leat earret eará stohpoláigoriekti, vealgeriekti, bargoriekti, mánáidriekti, oadjoriekti ja olgoriikkalaččaidriekti.
– Eanaš áššit, maid mii oažžut, čuvvot mielde Tromsii. Riŋget dutnje dasto vejolaš bagadusa várás, čállá Davvi-Norgga Jussaveahkki .
