Turku Girjemeassuid oktan váldofáddán lea Sápmi, ja Turkus šaddá stuorámus sámegirjjálašvuođa- ja kulturčájeheapmi mii goassege leamaš Suomas.
Turku Girjemeassuid oktan váldofáddán lea Sápmi, ja Turkus šaddá stuorámus sámegirjjálašvuođa- ja kulturčájeheapmi mii goassege leamaš Suomas.
Davvi Girji lea mielde Turku girjemeassuin golggotmánu 2. – 4. beivviid 2015. Sii leat gávdnamis Sápmi-ossodagas gos buktagat vuvdojuvvojit ja gos sii juhket dieđuid lágádusa ja iežaset buktagiid birra.
Sápmi-prográmma fálaldat lea hui viiddis ja sámi kultuvra čájehuvvo/ovdanbuktojuvvo earret eará rap, rocka, luođi, girjjálašvuođa, čálliidovdanbuktimiid, diehtojuohkimiid, girjealmmuhemiid, teáhtera, filmma, bargobájiid ja ságastallamiid bokte. Sápmi-ossodagas beassá oastit girjjiid, oaidnit earret eará oahpponeavvočájáhusa, oažžut dieđuid sámi lágádusdoaimmas ja sámi gielain.
Sámegirjjálašvuohta suomagillii
Sámi girjjálašvuohta lea hui unnán almmuhuvvon eará gielaide dán rádjái. Dáid Turku girjemeassuin leat máŋga girjealmmuheami main almmuhuvvojit sámi girjjit suomagillii.
Golbma Davvi Girjji girjjiin almmuhuvvojit suomagillii Turku girjemeassuin. Kieletär almmuha guokte girjji:
Vuosttaš lea Rauna Paadar-Leivo mánáidgirji «Jokŋanieiddaš» (1996) almmuhuvvo guovttegiel girjin, davvisáme- ja suomagillii. Nubbi girji lea Veikko Holmberga mánáidgirji «Duvro-guovža ja šibitdoaktára rehket» almmuhuvvo suomagillii namain «Tuuru-karhu ja eläinlääkärin lasku».
Atrain Kustannus almmuha Kerttu Vuolaba girjji «Barbmoáirras» (2008) namain «Valon airut».
