-Almmuhus-
OĐĐASATDáhkádusfitnodat ávžžuha dash-kámera

Dáhkádusfitnodat ávžžuha dash-kámera

-

-

Dash-kámera biilla ovdaláses sáhttá álkidit dáhkádusdoaimmaid, sihke unnit ja stuorát johtolatlihkuhisvuođaid oktavuođas, dieđiha Tryg dáhkádusfitnodat.

Tryg dáhkádusa vahátdirektevra Svein-Arne Kausland ávžžuha buohkaid bidjat dash-kámera biilii, ja earenomážit jus leat biillain jođus lupmui olgoriikii.

 

– Ii sáhte doaibmat áidna duođaštussan

Dákkár video sáhttá álkidit dáhkádusáššiid, ja earenomážit jos leat giellaváttisvuođat go leat olgoriikkas mátkkošteame.

Vaikko dash-kámera álkida dáhkádusdoaimmaid, de fertet aŋkke deavdit vahátdieđihanskovi.

– Video mii lea váldon dash-kámerain ii sáhte doaibmat áidna duođaštussan, go das ii boađe ovdan olles dáhpáhus. Dan dihte lea vahátdieđihanskovvi deháleamos dokumeanta go lihkohisvuođat gevvet, ja Tryg ávžžuha deavdit dan nu vuđolaččat go vejolaš, muitala Kausland.

 

Tryg lea jo ožžon olgoriikkas dieđuid biilavahágiid birra, go dash-kámera lea leamaš anus dáhkádusáššis.

– Lean sihkkar ahte mii oažžut eanet dákkár áššiid geasi mielde, dadjá Kausland.

-Almmuhus-