-Almmuhus-
-Almmuhus-
-Almmuhus-
OĐĐASATBill Gates addá 400 miljovnna ruvnno demeansadutkamii

Bill Gates addá 400 miljovnna ruvnno demeansadutkamii

-

-

– Lea hirbmat illusáhka go Bill Gates geige 400 miljovnna ruvnno demeansadutkamii. Dat addá ollu veahki dan dehálaš bargui mii čađahuvvo dás, lohká Álbmotdearvvašvuođa našunálasearvvi váldočálli Lisbet Rugtvedt.

Bill Gates, gii lea Microsoft vuođđudeaddji, filantropa ja miljardeara, lea máŋga jagi addán beroštumi demeansaáššis.

Demeansa

• Máilmmis leat 47 miljovnna olbmo geain lea demeansa.

 

• 2030:s jáhkket logu lassánit 75 miljovdnii, ja 2015:s fas 132 miljovdnii.

 

• Juohke jagi ožžot 10 miljovnna olbmo demeanssa diagnosa.

 

• Demeansa lea čihččet sajis jámolaš dávddain máilmmis.

 

• Máilmmiviidosaš olggosgolut demeanssa dávdda ektui leat hirbmat badjin.

Dieđut: @NTB

Duogáš lea persovnnalaš beroštupmi go lea ieš oapmahaš, muhto maiddái dan dihte go son oaidná man stuora váikkuhus demeansadávda sáhttá leat ekonomalaččat boahtteáiggis.

 

– Issoras dávda

Ikte almmuheigga Bill Gates ja su eamit Melinda ahte skeŋkeba 50 miljovnna dollára demeansadutkamii.

Alzheimers dávdda birra dárbbašuvvo eanet ipmárdus, ja movt sáhttá fuomášit dávdda ja diagnostiseret dávdda mainna lea stuora jápminvárra, oaivvilda Gates.

Son čállá maid iežas bloggas ahte demeansa lea issoras dávda, mii billista olbmuid eallima, sihke buohcci eallima ja su oapmahaččaid.

Gates lea okta dain máŋgasis gii diehtá man váttis lea go lagas olmmoš buohcagoahtá demeanssain.

-Almmuhus-