Ruoŧa Sámedikki kulturlávdegoddi doalai čoahkkima golggotmánu 8. beaivvi ja meannudii prošeaktaohcamušaid.
Ruoŧa Sámedikki kulturlávdegoddi doalai čoahkkima golggotmánu 8. beaivvi ja meannudii prošeaktaohcamušaid.
Ruoŧa Sámedikki Kulturlávdegoddi mearridii juolludit 383 500 Ruoŧa ruvnno prošeavttaide.
Stuorámus vuoitin das lea Audioland nammasaš fitnodat mii lea ohcan doarjaga «Sámi Music Week 2016» dáhpáhussii ja Johan Kitti musihkkabuvttadeapmái.
-– Giitu buriid ođđasiid ovddas!
Ávvir lea ožžon ságaide Audioland fitnodaga beaivválaš jođiheaddji Olga Solyannik dan botta go lei juste Murmánskkas.
– Giitu buriid ođđasiid ovddas! Dát lea illudahtti, lei Olga vuosttaš reakšuvdna.
– Ruoŧa Sámediggi álo positiivalaččat meannuda min ohcamušaid. Midjiide dát lea stuorra doarjja go dát álkidahttá ovttabarggu Ruoŧa beale sámi artistaiguin. Min fitnodagas háliidit čájehit ahte sápmelaččat ásset buot njealji riikkas, lohká Solyannik.
Iežas lohká áigut buorebut oahpásnuvvat áššái go leat fas Norgga bealde boahtte mánnodaga.
Dás oainnát geat leat ožžon doarjaga:
32 500 kr Lars-Ove Kuorak: ”Samemästerskapens födelse och utveckling, en historisk dokumentation”
55 000 kr Audioland AS: “Sámi Music Week 2016”
87 000 kr Audioland AS: “Produktion och utgivning av musik med Johan Kitti”
50 000 kr Elin Kåven: “Album Eamiritni- Rimeborn”
59 000 kr Video Data KB: “Traditionell samisk kunskap”
35 000 kr Intresseförening Härjedalena Kulturguovddáš: Mörktidsfestival 2015
65 000 kr Vadtejen Saemiej Sijte: “Vaapsten Bijre”
