-Almmuhus-
-Almmuhus-
-Almmuhus-
OĐĐASATATV-lihkohisvuohta Davvenjárggas

ATV-lihkohisvuohta Davvenjárggas

-

-

SeaKing helikopter lea viežžan olbmo maŋŋel ATV-lihkohivuođa Davvenjárggas. 

Davvi-Norgga váldogádjunguovddážis duođaštit Ávvirii ahte sii leat sádden SeaKing gádjunhelikoptera Banak girdišiljus Davvinjárgii.

 – AMK gádjunguovddáš ja dearvvašvuođabargit Girkonjárggas dat bivde helikoptera sáddet dohko. Diehtu bođii midjiide diibmu 14.29 dán birra, dadjá gádjunjođiheaddji Jakob Carlsen Ávvirii.

Okta olmmoš lea gádjunguovddáža dieđuid mielde roasmmehuvvan dán lihkohisvuođas. 

Váldogádjunguovddážis muitalit iFinnmarkk aviisii ahte olmmoš gii lei lihkohisvuođas, galgá leamaš dieđuheapmi ovtta gaskka. Son dolvojuvvui helikopteriin Hámmárfestii. 

Oarje-Finnmárkku politguovllu operašunjođiheaddji Geir Roar Nesbø muitala diibmu beal nealjis iFinnmark:i ahte lei  soalddát gii lei lihkohisvuođas, muhto son ii lean gal dieđuheapmi.

Ávvir čuovvu ášši!

-Almmuhus-