Olbmuin geat orrot siseatnamis lea heajut dearvvašvuohta go dain geat orrot mearragáttis, dieđiha Regiovdna Västerbotten ođđa raporttas.
Regiovdna Västerbotten lea iskan olbmuid dearvvašvuođa siseatnamis Västerbottenis ja maid olbmuid geat orrot mearragáttis. Ođđa raporttas čállet sii ahte olbmuin siseatnamis lea heajut dearvvašvuohta.
Sivva dasa sáhttá leahkit go olbmuin siseatnamis lea alit gaskamearalaš ahki.
– Dearvvašvuohta ii leat seamma siseatnamis nugo mearragátti gávpogiin. Mii diehtit ahte ássiin geat orrot lagabut mearragátti lea buoret dearvvašvuohta go siseatnan ássiin dadjá Maria Falck, hoavda Dearvvašvuođaossodagas Regiovdna Västerbottenis.
– Dat leat maid earuhusat gaskal joavkkuid. Olbmuin geain lea alit oahppu lea maid buoret dearvvašvuohta, joatká Falck.
Bargguhisvuohta váikkuha maid, boahtá ovdan raporttas.
– Siseatnamis lea eanet bargguhisvuohta ja dat váikkuha maid dearvvašvuhtii dadjá Maria Falck, hoavda Dearvvašvuođaossodagas Regiovdna Västerbottenis. Nu čállá Regiovdna Västerbotten preassadieđáhusas.
