-Almmuhus-
-Almmuhus-
-Almmuhus-
OĐĐASATAlimusriekti cealká duomu Unjárgga-áššis

Alimusriekti cealká duomu Unjárgga-áššis

-

-

Alimusriekti doaivu beassat almmuhit njukčamánu bearjadaga 9. beaivvi dii. 09.00 dievasčoahkkinášši gaskal Finnmárkkuopmodaga ja Unjárgga gilisearvvi.

Alimusriekti meannudii Unjárgga duomu plenumdikkis, gos 19 Alimusrievtti duopmára serve ođđajagemánu 17. – 26. beaivvi.

Alimusrievtti gulahallanolmmoš Svein Tore Andersen lohká sii doivot beassat almmuhit duomu bearjadag 9. beaivvi ja duomu beassá gullat go celko.

–  Doaivut beassat lohkat oaniduvvon duomu, cealká Andersen.

Duomu oktavuođas ii lágiduvvo preassakonferánsa, muhto olbmot besset gullat oaniduvvon duomu Alimusrievtti dievasčoahkkin-áššis.

 

Ášši duogáš

Ášši čuolbma lea geas lea riekti stivret ja hálddašit meahcceriggodagaid Finnmárkkuopmodaga eatnamiin Unjárgga gielddas – Finnmárkkuopmodagas oamasteddjiin, vai báikegoddelaččain, Unjárgga Gilisearvi bokte, geavahanriektelažžan.

Nággoguovlu lea sullii 470 njealjádaskilomehtera ja ollá Álddajogas oarjin gitta Unjárgga ja Čáhcesullo gaskasaš rádjái nuortan ja Ánnejohmohki rádjái.

Ášši ii várre eaiggáduššanrievtti, muhto laktasa dasa lea go báikegoddelaččain sierra vuoigatvuohta stivret ja hálddašit daid meahcceriggodagaid mat siskkilduvvojit sin geavahanvuoigatvuođaide, dás maiddái vuoigatvuohta vuostá váldit riggodagaid ruđalaš dinestussan.

-Almmuhus-