-Almmuhus-
-Almmuhus-
-Almmuhus-
OĐĐASATÁlbmotčoahkkin boazodili hástalusaid birra

Álbmotčoahkkin boazodili hástalusaid birra

-

-

Guovdageainnu bargiidbellodat bovde álbmotčoahkkimii disdaga golggotmánu 13. beaivvi. Fáddán álbmotčoahkkimis lea geahčadit otná boazodili ja ohcat buriid ja vuoiggalaš čovdosiid hástalusaide mat odne leat boazoealáhusas.

Bargiidbellodat lea Stuoradikkis álggahan sierra boazodoallolávdegotti, mas lea mandáhttan geahčadit otná boazodili ja ohcat buriid ja vuoiggalaš čovdosiid hástalusaide mat odne leat boazoealáhusas.

 Mihttun lea oažžut sadjái buriid rámmaid mat sihkkaruššet boazodolliide nanu ja ceavzilis ealáhusa 30 jagi perspektiivvas. Lávdegoddi lea deattuhan dán namainis “Reindrift 2050 – Boazodoallu 2050”.

Bargiidbellodaga stuoradikkejoavkku bargu dáhpáhuvvá oktanis go departemeanta lea bargame ođđa stuoradikkedieđáhusain boazodoalu birra, ja lea ge dan olis ahte Bb Stuoradikkis dál lea hástán boazoealáhusa ja erenoamážit Guovdageainnu Bargiidbellodaga cavgilit sisa hástalusaid otná dilis ja evttohusaid buriid čovdosiidda.

– Mii leat Guovdageainnu Bargiidbellodagas danin bovden visot orohatjođiheddjiid buktit čálalaš árvalusaid midjiide, ja dan oktavuođas bovdet maiddái rabas álbmotčoahkkimii disdaga 13.10.15 dii. 18.00 LES-viesus gos boazodoalopolitihkka Guovdageainnu vuolggasajis lea fáddán, dán čállá Guovdageainnu bargiidbellodaga Johan Vasara preassadieđáhusastis.

Lávdegottis mii loahpaloahpas gieđahallá ja gulahallá stuoradikkiin čohkkájit čuovvovaš lahttut:

Mariann W. Magga, jođiheaddji, Knut Storberget, Stuoradiggi, Åsmund Aukrust, Stuoradiggi,

Inga-Lill Sundset, Bb sámepolitihkalaš ráđi ovdaolmmoš ja Hagbart Grønmo, čálli.

-Almmuhus-