«Sátnestoagus guovtti sámegillii» lei dadjan CD-skearru birra Ailu Valle.
«Sátnestoagus guovtti sámegillii» lei dadjan CD-skearru birra Ailu Valle.
Dán čállá odne Yle Sápmi ahte guokte sámeartistta, Ailu Valle ja Amoc, áiguba ráhkadit ovttas guovttegielat rap-albuma.
– Dat lea davvi- ja anársámegielat rapalbuma, ahte moai letne dainna ovttastan fámuideame, ja dasto ulbmil lea ráhkadit dakkár sátnedáidaga. Geahččat man bures dat guokte sámegiela čuodjaba oktii ja man bures dat sodjaba dasa, ahte sáhttá ovttastit diekkár sátnestohkosii, Ailu Valle muitala Yle Sápmái.
Suoma Sámedikki kulturlávdegoddi doarjjui njukčamánus CD-skearru almmuheami 3000 euroin. Artisttat leaba vel vuordime vástádusaid eará ge sajiin doarjagiid ektui.
– Dasa lea dál mieđihuvvon Suoma Sámedikkis 3000 euro, ja dat lea dieđusge olu unnit go moai dasa ozaime. Gal dainna ruđain juoidá oažžu áigái, Valle lohká Yle Sápmái.
CD-skearru ii almmuhuvvo ovdal go 2017:s.
