Almmuhus

Almmuhus

Álbmot­dearvvaš­vuohta áŋgiruššá njunnošiid

Dušše juohke goalmmát lihkada doarvái. Eanaš oassi politihkalaš njunnošiin háliidit dán rievdadit ja oažžut eambbosiid lášmmohallat. Govven: Paulina Cervenka

Dušše juohke goalmmát norgalaš lihkada doarvái. 70 proseantta sátnejođiheaddjeevttohusain dáhttot rievdadit dán. 

Almmuhuvvuon: 
Bearjadat, 23 Borgemánu, 2019 - 16:56
Ođastuvvon: 
Ođastuvvon: 26.08.2019 - 11:26
Fáddásánit: 

Juohke čihččet gieldda- ja fylkkagieldda listanjunuš oaivvilda ahte lea áigi ásahit sierra aktivitehtaráđiid gielddaide, čájeha Norsk friluftsliv guorahallan. 

Dušše juohke goalmmát norgalaš oainnat lihkada dan mađe olu go dearvvašvuođaeiseválddit ávžžuhit. 

– Eanaš gielddain leat valáštallanráđit mat ovddidit ja nannejit valáštallama. Sierra aktivitehtaráđit galggaše doaibmat sullii seammaláhkai, muhto dat galget maid fátmmastit olgoeallima ja eará aktivitehtaid maid dábálaš olbmot ieža čađahit. Ulbmil livččii oanehis áiggis áŋgiruššat eambbosii lihkadit, lohká Norsk Friluftsliv servodatgulahalli Siri Meland preassadieđáhusas. 

 

Háliidit lášmmohallat 

Iskkadeapmái serve stuoradiggebellodagaid ja Folkeaksjonen nei til mer bompenger listanjunnosaš. Dáid searvvis lea dušše Bargiidbellodat bidjan áigumuššan ásahit aktivitehtaráđiid gielddaide. 

Guorahallamat čájehit ahte eanaš olbmot háliidivčče čađahit aktivitehtaid mat eai leat oaganiserejuvvon. Norsk Friluftsliv einnosta danin ahte sátnejođiheddjiid áigumuš sáhttá šaddat hirbmat mávssolažžan. 

– Buohkaid mielas lea dárbbašlaš áŋgiruššat olbmuid lihkadit. Jus ii leat menddo váddása duohken hárjehallat ja jus gávdnojit aktivitehtat buohkaid várás, de lea olbmuide álkit searvat. Aktivitehtaráđit galggaše ge láhčit dili ja movttiidahtit olbmuid lihkadit, dadjá Meland. 

Ovdasiiddus dál