Fállejohka časkii Porsáŋggu 2-1 čiekčamis mii jáhkkimis mearridii gii vuoitá Finnmárkku 4. divišuvnna ráidočiekčama.
Fállejohka ja Porsáŋgu deaivvadeigga gaskavahku Fállejogas čiekčamii mii jáhkkimis mearrida goabbá joavku vuoitá ráidočiekčama.
Fállejohka vuittii čiekčama 2-1 ja lea nu njealje čuoggá ovddabealde Porsáŋggu go golbma čiekčama leat vel báhcán. Fállejoga moallabáhččit leigga Sámi riikkajoavkku čiekčit Stein-Arne Mannsverk ja Daniel Reginiussen ja Porsáŋggu moallabáhčči lei Sindre Thomassen Vonheim.
Goappašat joavkkut deaivvadeaba sihke Honnesvágiin ja Áltá 2. Porsáŋgu deaivvada vel lassin Girkonjárggain ja Fállejohka ges Bossogohpiin ovdal go ráidočiekčamat loahpahuvvet.
