-Almmuhus-
VALÁŠTALLANVuite bronsafinála

Vuite bronsafinála

-

-

Deanu gánddat vuite bronša Norway Cupa spábbačiekčan­riemuin.

Bronsafinálas bearjadaga beaivet vuittiige Tana BK 6 – 2 Skjervøy vuostá.

Deanu gánddat ledje birgetmeaht­tumat vihtta čiekčama maŋŋálaga, ja sii vuite ge máŋggain moalain ge.

Tana BK hárjeheaddji Geir-Are Andersen muitala gánddat leat ovttas hárjehallan 10 jagi, ja sis lea leamašan guhká dáhttu vuolgit Norway Cupii. 

 

Vuoittáhalle vuosttaš geardde

Duorastaga eahkeda čielggai ahte gánddat besse bronsafinálii, go sii vuoittáhalle ge vuosttaš geardde Norway Cupas, Vanylven vuostá 3-2.

 –  Gánddat barge bures, mii deaivvaimet ovtta buori joavkku ja mu mielas čievččaimet ge mii buoret go sii. Mis ii lean nu buorre lihkku dál, heajos duopmármearrá­dusat goappáge beallai. Dat lei dat mii bilidii čiekčama, dat bilidii dan njuovžilisvuođa čiekčamis, oaivvilda Tana BK hárje­headdji Geir-Are Andersen maŋŋá kámpa.

 

Gergosat vuoitit bronsafinála

Tana BK hárjeheaddji Geir-Are Andersen lohká gánddat veaháš ledje skurtnjagan maŋŋel go vuoittáhalle, muhto sii ledje gergosat bronsafinálii.

 – Doaivva dál lea beassat lávddi ala ja oažžut bronssa. Gánddat leat gergosat vuoitit, dajai Andersen ovdal bronsafinála. 

 

-Almmuhus-