Luođuvaláštallama NM-gilvu lágiduvvui Hamaris mannan vahkkoloahpa ja Sámi guhkkodatnjuikejeaddji Oda Utsi Onstad vuittii guokte NM-golli.
Lávvordaga njuikii Utsi Onstad 6.34 guhkodatnjuikemis ja bijai alcces ođđa persovnnalaš olahusa.
Dá lei su nubbi NM-golli guhkodatnjuikemis, olgun ja su ovccát medállja dan suorggis.
Dasa lassin leat sus guhtta NM-golli dan suorggis, go gilvvohallan lea siste.
Sotnabeaivvi gilvvohalai Sámi nieida golbmalávkki nammasaš njuikengilvvus.
Guhkimus maid son njuikii lei 13.56 mehtera, ja nu vuittii ge iežas 26. NM golli.
Daid son lea vuoitán golbmalávkki njuikemis, guhkodatnjuikemis ja guhkodatnjuikemis viehkama haga.
