Almmuhus

Almmuhus

Kárášjoga báhčči čihččedin buoremus Norggas

BUOT: Nils Andreas Olli Eira Kárášjoga báhčinsearvvis deaivvai buot, ja lea dál buoremusaid gaskkas Riikkabáhčimis. Preassagovva: Landsskytterstevnet 2019 Evje

Kárášjoga báhčči Nils Andreas Olli Eira bođii čihččet sadjái Riikkabáhčima fealtabáhčimis Evjes. 

Almmuhuvvuon: 
Bearjadat, 9 Borgemánu, 2019 - 11:26
Ođastuvvon: 
Ođastuvvon: 09.08.2019 - 14:18
Fáddásánit: 

Nils Andreas Olli Eira deaivvai buot 42 látta ja guhtta finálalátta ledje maid siskkobealde siskkimus rieggá, ja nu lea ge Olli Eira boađus 42/6. 

Olli Eira báhčá njealját luohkás ja son šattai ge buot buoremus báhčči dan luohkás. Muhto fealtabáhčinfinálas eai earut luohkáid, ja nu son lea gilvalan badjel 2000 eará báhččiin. Dan birrasiid 2050 báhčči gaskkas bođii ge Sámi bárdni čihččedin. Čihččet saji son juogada njeljiin eará báhččiin.

Tor Arnfinn Homme Kristiansand og Omegn báhčisearvvis vuittii gonagasgári fealtabáhčimis, son bážii 42/8.

 

Ovdasiiddus dál