-Almmuhus-
-Almmuhus-
-Almmuhus-
VALÁŠTALLANLuohpá jođiheaddjin

Luohpá jođiheaddjin

-

-

Egil Olli heaitá IL Nordlys jođiheaddjin, dál háliida ahte nuorat fámut váldet badjelasas ámmáha.

IL Nordlys valáštallansearvvis lea jahkečoahkkin guovvamánus, ja dan oktavuođas válljejit ođđa jođiheaddji.

Egil Olli lea doaibman ámmáhis maŋemuš njeallje jagi, muhto dál ii loga šat háliidit joatkit.

Son deavdá dán jagi 70 jagi, nu lohká áigi luohpat jođiheaddji ámmáhis. 

– Lean dáhtton nuorat fámuid dál stivrejupmái. Teknologiija ovdána nu johtilit ja in ge nagot šat dan čuovvut, lohká son. Egil dattetge lohká ain joatkit doaimmaiguin bargat searvvis, ii áiggo vuos eaktodáhtolaš bargguiguin heaitit.

 

Ođđa fámuid stivrii

– Searvvis lea ollu hástalusat, jáhkán nuorat fámut dahket buoret barggu go mun nagodan dál. Maŋemuš jagi lea nubbi jođiheaddji šaddan ollu bargat, go in leat leamašan báikkis. Vaikko in joatkke šat jođiheaddjin, de áiggun veahkkin ain bargat, mun lean dearvvas ja lea somá bargat. Dál lea áigi láddan oažžut ođđa fámuid stivrii, guhte sáhttá olles leavttuin ovdánahttit Nordlysa valáštallansearvvi, oaivvilda Egil Olli.

-Almmuhus-