Almmuhus

Almmuhus

Luohpá Romssas

LUOHPÁ: Hans Norbye lea čiekčan TIL ovddas 2006 rájes, muhto dál lea mearriduvvon ahte ii šat joatkke joavkkus. Sus lea ain hállu spábba čiekčat, muhto ii dieđe vel guđe joavkkus. Govven: Jon Olav Nesvold/ NTB scanpix

Kárášjohkalaš Hans Norbye lea čiekčan iežas maŋimuš čiekčama Romssa spábba­čiekčanjoavkkus. Su šiehtadus, mii nohká ođđajagis, ii guhkiduvvo.  

Almmuhuvvuon: 
Gaskavahkku, 12 Juovlamánu, 2018 - 09:11
Fáddásánit: 

31-jahkásaš Hans Norbye čiekčagođii Romssa spábbačiekčan­joavkkus 2006:s.

Su bargošiehtadus elitejoavkkuin nohká dán jagi maŋimuš beaivvi, ja lea mearriduvvon ahte dat ii guhkiduvvo. 

 Kárášjohkalaš lea čiekčan 215 čiekčama Romssa spábbačiekčanjoavkku ovddas, muhto lea dál gearggus ođđa hástalusaide. 

 – Mun ferten oaidnit makkár vejolašvuođaid oaččun. Mun háliidan ain spáppa čiekčat ja bearaš háliida ássat eará báikkis. Dál soaitá áigi fárret Romssas. Doppe dáidet ođđa uvssat rahpasit, dadjá Norbye preassadieđáhusas. 

Ovdasiiddus dál