Guovdageainnu suohkana 10 000 ruvdnosaš stipeanda galgá fas juhkkot.
Guovdageainnu suohkan lea 1990 rájes skeŋken 10 000 ruvdnosaš stipeandda falástalliide, geat leat ánssášan dan. Falástallanstipeanda galgá movttiidahttit nuoraid joatkit falástallamiin.
Dál fas vejolaš ohcat
Suohkan geige dán stipeandda oktii jagis, ja dál lea fas vejolaš ohcat dan. Ulbmil stipeanddain lea movttiidahttit nuoraid joatkit iežaset falástallansurggiin, ja danne leat ohcamis muhtun eavttut. Earret eará ahte falástalli galgá ovddastit searvvi dahje klubba Guovdageainnu suohkanis ja spiehkasteami sáhttá dahkat go falástalli ferte dieđihit sirdima eará klubbii nu ahte sáhttá joatkit iežas falástallansurggiin.
Falástallanstipeandda juhket dušše ovtta falástallái juohke jagi ja ohcanáigemearri dán jagi lea golggotmánu 31. beaivvi.