Vuosttaš vuoru čikče joavkkut oalle dássedit, ovdal go Nordlys jorgalii spealu nuppi vuorus.
Lávvardat eahket lei gelddolaš čiekčan Guovdageainnu ja Kárášjoga dievdduin.
Guovdageainnu dievddut ledje ruovttušiljus, Bákteváris, gos gal šattai garra čiekčan.
Nordlys beasai illudit
Ii goabbáge joavku nagodan bidjat moala vuosttaš vuorus, ja boađus lei ain 0-0 go šattai boddu.
69. minuhtas náhkehii Nordlys čiekčama vuosttaš moala, ja ovdal go nubbi vuorru nogai, báhče sii vel nuppi moala.
Loahppaboađus šattai 2-0 Nordlysii.