-Almmuhus-

VALÁŠTALLAN– Measta njuorrasin

Kåre Olli lea SVL-N ođđa jođiheaddji. Govven: Alice Balto

– Measta njuorrasin

Berit Marie Lise Eira

-

07/06/2015 10:16

-

Ođasmahtton: 02/07/2019 22:58

Otná riikačoahkkimis válljejuvvui Kåre Olli jođihit Sámi Valáštallan Lihttu Norgga juhkosa (SVL-N). GEAHČA VIDEO:

– Mun dovddan ahte dál lean dego Wirkola maŋis njuikemin, go galggan jođihit SVL-Na, nu dajai Kåre Olli maŋŋil válggaid.

Ovddeš jođiheaddji Berit Rannveig Nilssen, celkkii mannan vahkkus Ávvirii ahte son ii joatkke šat SVL-N jođiheaddjin.

Otná jahkečoahkkimis Álttás válljejuvvui Kåre Olli ovttajienalaččat, ja dát bovttii dovdduid.

STIVRA: Jan Erik Reinås (Fjell Skilag) Geasse-/dálvelávdegotti jođiheaddji, Nubbinjođiheaddjin Per John Anti (KGH), Jođiheaddji Kåre Olli, Heargevuoddjinlávdegotti jođiheaddji Anders Nils K. Eira ja Gealbo-,kultuvra- ja ovdánahttinlávdegotti jođiheaddji Eldbjørg Mathisen.
^{Govven: Alice Balto}

Guoskevaš artihkkalat

-Almmuhus-