Miessemánu 16. beaivvi deaivvadeigga Guovdageainnu Valáštallansearvi ja Nordlys spábbačiekčanjoavku. Čiekčan lea nu gohčoduvvon «Gilvu duoddara alde». Dán háve vuittii Guovdageaidnu čiekčama 2-0.
Miessemánu 16. beaivvi deaivvadeigga Guovdageainnu Valáštallansearvi ja Nordlys spábbačiekčanjoavku. Čiekčan lea nu gohčoduvvon «Gilvu duoddara alde». Dán háve vuittii Guovdageaidnu čiekčama 2-0.
Ledje birrasii 100 geahčči boahtán Guovdageidnui ja Bákteváre spábbačiekčanšilljui geahččat go Kárášjoga spábbačiekčanjoavku Nordlys ja Guovdageainnu valáštallansearvi geahččaledje fámuid spábbačiekčan šiljus. Čiekčan lea oassi Finnmárkku 4. Divišuvnna ráidočiekčamis
Nordlys lagamus
Vuosttaš vuorus lei Nordlys lagamus vuoittobeallái beassat, go joavkkus go ledje issoras stuora vejolašvuođat coggalit moala, muhto eai lihkostuvvan.
Ii orron maid rivttes boađus go Guovdageainnu čiekči Jørn Inge Eira coggalii spáppa molli loahpas vuosttaš vuoru, ja Guovdageaidnu beasai vuoitto bealde.
Lei čiehkačievččasteames go Guovdageainnu čiekči oaččui spáppa maŋit moallastoalpu bokte, ja son nagodii coggalit spáppa mollii.
Guovdageaidnu buoret
Go nubbi vuorru álggii, de ledje Guovdageainnu lunttat veahá buorebut. Sii lahkonedje Nordlys moala, ja gaskomuttos nuppi vuoru coggaledje ge nuppi moala.
Nordlys čiekčit njeide Frank Ole Vars siskkobeale 16-mehter sárgá, ja Nils Erik Oskal ii dahkan maidege boastut ja coggalii moala ráŋggáštusčievččasteames.
Boađus šattai 2-0.