Ruvdno lea heajumus dásis ovdal reanttuid loktema juovlamánus, go mihtida Norgga deháleamos gávpeguimmiid valuhtaid ektui.
Ruvdno nanosmuvai mealgat maŋŋá reantolassáneami juovlamánu 14. beaivvi, ja lei nanus birrasii guokte vahku. Dan rájes lea árvu veahážiid mielde fas njiedjan, mihtiduvvon I44-indeavssain, mii lea ovtta Norgga Báŋku buoremus čujuhusain ruvnno nanusvuhtii.
Duorastaga lei I44-indeaksa 121,47 čuoggás. Dat mearkkaša ahte ruvdno lea heajumus dásis juovlamánu 13. beaivvi rájes, beaivvi ovdal go reantolassáneapmi almmuhuvvui. Dalle lei indeaksa 123,38 čuoggá.
Mađi stuorit lohku indeavssas, dađi geahnoheabbo lea ruvdno. Mađe vuolit lohku, dađe gievrrat lea ruvdno.
Dássážii dán jagi lea ruvdno njiedjan gávcciin proseanttain dollára ektui, badjel 11 ruvdnui, ja árvu ovtta euros lea 11,74 ruvnnu, mii lea geahppáneapmi masá viđain proseanttain ođđajagi rájes. (©NTB)
