Suodjalusa váldosuodjalusáittardeaddji lea gieldán geavahit F-34 boaldámuša jerrylihtiin, málestan- ja tealtáuvnnain suoidnemánu vuosttaš beaivvi rájes.
Suodjalusa boaldámušat F-34 ja F-35 lea ožžon dearvvašvuođariskka klassifiserema go das lea kumen (isopropylbenzen) mii sáhttá dagahit borasdávdda olbmuide, čállá Forsvarets Forum.
Suodjalusa váldosuodjalusáittardeaddji Thomas Norman Hansen lea moaitán Suodjalusa go ii leat bidjan johtui doaimmaid maŋŋá go dat guokte boaldámuša leat ožžon ođđa klassifiserema. Lea váldosuodjalusáittardeaddji Hansen gii lea lea gieldán F-34 ja F-35 geavaheami jerrylihtiin, málestan- ja tealtáuvnnain suoidnemánu vuosttaš beaivvi rájes. Son finai Nordic Response oktavuođas geahččamin iešguđet ossodagaid ja fuomášii ahte dušše okta ossodat lei čađahan riskaárvvoštallama ja háhkan suodjalanrusttegiid, ja eará ossodagain váilu dat. Hansen gáibida Suodjalusa váldit atnui molssaevttolaš boaldámuša mas lea unnimus riska, nu mo parafiinna, bioboaldámuša dahje muoraid boaldit. Son deattuha ahte dat lea maid buoret dálkkádahkii.
