Jan Christian Vestre šaddá dearvvašvuođaministtarin Ingvild Kjerkol maŋŋá. Cecilie Myrseth šaddá ealáhusministtarin, ja Marianne Sivertsen Næss šaddá guolástusministtarin.
Maŋŋá go Ingvild Kjerkol (Bb) šattai heaitit dearvvašvuođa- ja fuolahusministtarin plagiáhttaášši maŋŋá, de fertii Jonas Gahr Støre fas lonuhit ministariid, ja lea ge Jan Christian Vestre gii váldá badjelasas barggu dearvvašvuođaministtarin.
Vestre (Bb) boahta barggus ealáhusministtarin. Myrseth (Bb) Romssas eret galgá váldit badjelasas su maŋis. Sivertsen Næss (Bb) gii lea Finnmárkkus eret lea ođđa olmmoš ráđđehusas, ja son boahtá Stuorradikki energiija- ja biraslávdegotti jođiheaddji rollas.
