Ii eale nu guhká jus oažžu demeansa árrat eallimis

Olbmot geat ožžot demeansa ovdal go leat 65 jagi, eai šatta nu boarrásat.

– Jus oažžu demeansadiagnosa go lea gaskal 50-64 jagi de dat mielddisbuktá ahte eallinahki njiedjá guoktelogi jagiin, dadjá dutki Bjørn Heine Strand, Aldring og helse.

Demeansa lea jápmindávda mii lea dábálaš boarrásiid gaska, muhto dat sáhttá maiddái čuohcat nuorat olbmuide.

Gaskal 3-5 proseantta olbmuin geain lea demeansa ožžot dávdda ovdal go leat 65 jagi, ja Alzheimers dávda lea dat dábáleamos.