Gilvu, man Europan lea lágideamen Guovdageainnu márkanbáikki ektui, lea ožžon oktiibuot 21 evttohusa.
Bearjadaga čakčamánu 13. beaivvi rájes lea čájáhus Guovdageainnu kulturviesus, ja dan čájáhusa beassá geahčadit čakčamanu 27. beaivvi rádjái.
Europan lea arkiteaktagilvu masa arkiteavttat miehtá Eurohpá sáhttet searvat ja evttohit makkár Guovdageainnu márkan galgá boahtteáiggis.
Arkiteaktagilvu lágiiduvvo juohke nuppi jagi, ja dán jagi leat Guovdageaidnu, Raufoss ja Rødberg Norgga gilit mat leat mielde gilvvus.
