Mannan vahkku dárkkistii Stáhta geaidnodoaimmahat biilaboagángeavaheami ja 661 olbmo fertejit máksit sáhku dan sivas go eai lean bidjan biilaboahkána busses.
Oktiibuot leat 18 166 bussečuvvodeaddjit dárkkistuvvon.
Ledje 1230 geat eai lean bidjan biilaboahkána, muhto 569 olbmo besse eret sáhkus dan sivas go eai lean sihkkarit oaidnán ledje go gitta vai luovos.
Sáhkku go ii leat biilaboagán lea 1500 ruvnno.
Oallugat eai bija boahkána
Stáhta geaidnodoaimmahat válljii čađahit dárkkisteami dan sivas go nu oallugat vástidit iskademiin ahte eai geavat biilaboahkána busses.
69 proseantta vástidedje ahte sii geavahit boahkána busses, ja diibmá vástidedje 73 proseantta dan seamma, boahtá ovdan guorahallamis maid Stáhta geaidnodoaimmahat lea čađahan.
Seammás čájehuvvo ahte boagángeavaheapmi lea unnit olbmuid gaskkas geat leat gaskkal 16 ja 29 jagi boarrásat. Dušše bealli dain nuoramusain bidjet boahkána go leat busses.
– Biilaboagán geavaheapmi ii leat dušše priváhtaášši. Jus lihkohisvuohta deaivida, de lea buoremus boađus jus eatnasiin lea boagán gitta, lohká Stáhta geaidnodoaimmahaga ossodatjođiheaddji Ingrid Heggebø Lutnæs.
(©NTB)
