Politiijat dieđihit maid sisagaikuma ja doarruma birra Gorosofestiválas.
Gorosofestivála lágiduvvo vuosttaš gearddi Ráissas.
Dan oktavuođas dieđihit politiijat ahte guokte vuolleahkásaš gándda leigga boahtán festiválii.
– Soai sáddejuvvuiga ruoktot, váhnemat bohte sudno viežžat. Muđui bisseheimmet doarruma mii dáhpáhuvai lávddi lahkosis, čállet Romssa politiijaguovllu Twitteris.
Festivála oktavuođas dáhpáhuvai maid sisagaikun muhtin campingvovnnas, politiijat eai vel dieđe lea go mihkkege suoláduvvon.
