Badjelaš 92 000 jienasteaddji leat ovdagihtii jienastan vuosttaš vahkku go jienasteapmi rahppui. Dat lea beali eanet go ovddit suohkan-/gieldda- ja fylkkadiggeválggain.
Nu čájehit logut maid NRK lea ožžon Válgadirektoráhtas.
Servvodatdutkama instituhta válgadutki Johannes Bergh lohká leat ovdáneapmin maid leat vuohttán guhkit áigge.
– Sivvan lea go suohkanat leat bargan hirbmat bures vai lea álki, praktihkalaš ja vuogas olbmuide ovdagihtii jienastit, lohká son.
Ovdagihtiijienasteapmi álggii borgemánu 12. beaivvi, ja bistá gitta čakčamánu 6. beaivvi rádjái.
Válgabeaivi lea mánnodaga čakčamánu 9. beaivvi. Muhtin suohkaniin lea maid válgabeaivi sotnabeaivvi čakčamánu 8. beaivvi.
Ovdagihtiijienasteamis sáhttá jienastit vaikko gos leat, ii ge dušše dan suohkanis gos don ásat. Válgabeaivvi fertet jienastit dan suohkanis gos leat jienastuslogus, gos ledjet registrerejuvvon ovdal geassemánu 30. beaivvi dán jagi.
(©NTB)
