-Almmuhus-
-Almmuhus-
-Almmuhus-
OĐĐASATNorgalaččat leat plástaseahkaid stuorrageavaheaddjit

Norgalaččat leat plástaseahkaid stuorrageavaheaddjit

-

-

Plástaseahkaid geavaheapmi plástaseahkain njiejai 10 proseanttain 2017:s 2018:i. Norgalaččat ain geavahit sullii 140 plástaseahka jahkái.

Dát logut leat duppálit eambbo go dan man galle plástaseahka ruoŧtelaččat geavahit, čállá Klassekampen.

Handelens Miljøfond lea fargga jagi organiseren iešguđet doaimmaid unnidit norgalaččaid plástaseahkaid geavaheami.

Eanemus oahpis lea plástaseahkkavearru, mii lea go fitnodagat mákset 50 evrre juohke plástaseahka ovddas maid kunddar oastá.

Maŋŋel go dát vearru biddjui, de leat olu gávpeealáhusain gorgŋon plástaseahkkahattit.

Handelens Miljøfonda mihttu lea lassánahttit plástahottu olbmuid, muitala beaivválaš jođiheaddji Rasmus Hansson.

– Mis lea čielga ipmárdus ahte plástageavaheapmi njiedjá seamma jođánit go máhtolašvuohta lassána ja dihtomielalašvuohta nannojuvvo. Mii diehtit ahte plástaseahkaid geavaheapmi njiejai 2017:s 2018:i, ja doaivut ahte dát njiedjan joatká, muitala Hansson aviisii.

Jahkálaččat geavahit norgalaččat 750 miljovnna plástaseahka, ja Norga lea Eurohpás bajimusas plástageavaheamis.

Foandda mihttu lea juohkit 300 miljovnna ruvnnu jahkásaččat iešguđet birasdoaimmaide mat čovdet plástahástalusaid.

©NTB

-Almmuhus-