Almmuhus

Almmuhus

Narkotihkka­áššit lassánan vuosttaš geardde viđa jagis

Vuosttaš geardde 2014 rájes lea narkotihkkaáššiid lohku lassánan eará jagiid ektui.

Almmuhuvvuon: 
Maŋŋebárga, 20 Borgemánu, 2019 - 15:10
Fáddásánit: 

Vuosttaš jahkebealis leat čálihuvvon 12 945 narkotihkkaášši, mii lea 8,5 proseantta lassáneapmi seamma áigodagas diimmá ektui.

Dehálaš ovddidandovdomearkkat leat ahte hášša lea dávjiibut duoguštuvvon ja das lea alit vuoibmeceahkki.

Leat maid dávjjiibut duoguštan stuorra meriid kokaina ja opioidalaš dálkasa Tramadola.

Dasto leat ođđa psykoaktiivvalaš ávnnasduogušteamit njiedjan, dan botta go lobihis gávppašeapmi dálkasiin joatkašuvvá.

 

Kokaiidna lassána miehtá Eurohpá

Kripos mearkkašuhttá ahte ovdáneapmi kokaiinnas man oaidnit Norggas, čuovvu dan ovdáneami mii muđui lea Eurohpás.

Lassáneapmi sáhttá čadnot dan historjjálaš alla buvttadannákcii mii lea Mátta-Amerihkás ja fievrrádusráđđenvuohki Eurohpái lea bures ovdánahtton ja doaimmahuvvo ovttas organiserejuvvon lobalaččaiguin.

– Lassáneapmi opioidalaš dálkasiin addá siva vuorjašuvvat. Jáhkkimis lea reseaptadálkasiid gávppašeapmi stuorát go dan maid goasse ovdal leat vásihan, muitala Kari Frey Solvik, gii jođiha narkotihkkaanalysa ossodaga Kriposis.

©NTB

Ovdasiiddus dál