-Almmuhus-
OĐĐASATMikroplastihkka gávdnon muohttagis Arktisas

Mikroplastihkka gávdnon muohttagis Arktisas

-

-

Dutkit leat gávdnan olu mikroplastihka muohttagis Arktisas. Dat mearkkaša ahte plastihkka bossojuvvo biekka mielde máilmmi ávdineamos báikkiide.

Dutkit iske muohttaga vižžon Svalbarddas, Davvi-Duiskkas ja Duiskka ja sveitsalaš Alppain.

Dutkamat čájehit ahte mikroplastihkka njammo áibmogeardái seamma láhkai go gavja, pollen ja eksospartihkkalat, ja fievraduvvojit guhkes gaskkaid.

– Leimmet vuordán gávdnat mikroplastihka, muhto leat liikká hirpmástuvvan man olu lea, dadjá Melanie Bergmann Alfred-Wegener-instituhtas Duiskkas.

 

Láhkas ja biktasiin

Bergmann dadjá ahte mikroplastihkka maid gávdnet, boahtá earret eará málas ja láhkas mii geavahuvvo biillaide ja fatnasiidda, biiladeahkain ja ávdnasiin mat sáhttet leat syntehtalaš fiberat tekstiillain.

– Mii fertet gávnnahit mo mikroplastihkka čuohcá olbmuide, earenoamážit jos vuoigŋá sisa, dadjá Bergmann.

 

-Almmuhus-