19 proseantta Norgga fitnodagain leat bargit geat eai leat ollašuhttán joatkkaskuvlla maŋimuš jagiid.
Dan čájehit logut Kompetanse Norge jahkásaš iskkadeamis man Virksomhetsbarometeret lea dahkan, mii lea iskan Norgga fitnodageaid rekrutteren- ja gelbbolašvuođadárbbu.
– Joatkkaskuvlaoahppu lea dehálaš go dat rahpá uvssaid bargomárkanii, fágareivii ja viidáset ja oahpuide. Dat addá eanet karriearavejolašvuođaid maŋŋá eallimis, dadjá Kompetanse Norge direktevra Gina Lund.
Vuosttaš skuvlabeaivi
Joatkkaskuvllasid vuosttaš skuvlabeaivi lea dál fargga.
Ollugat leat eahpesihkkarat ahte leago dat masa leat beassan sisa, rivttes oahppu sidjiide.
– Mus lea okta ráva buot nuoraide geat leat beassan joatkaskuvlii: Boahtit fal vuosttaš skuvlabeaivái. Mannat sisa skuvlii ja mihtuid ollašuhttit, vaikke lea hástaleaddji. Go leat ollašuhttán joatkkaskuvlla, de leat gievrrat maŋŋá eallimis, dadjá Lund.