Almmuhus

Almmuhus

Golmma ambulánsa­girdis boasttu­vuođat

Babcockas leat logi ođđa ambulánsagirdi, muhto dál leat fuomášan teknihkalaš váttisvuođaid golmma girdis. Govven: Rune Stoltz/NTB Scanpix

Babcock lea háhkan liigegirdiid ambulánsabálvalussii. 

Almmuhuvvuon: 
Bearjadat, 23 Borgemánu, 2019 - 17:47
Ođastuvvon: 
Ođastuvvon: 26.08.2019 - 08:24
Fáddásánit: 

Ođđa ambulánsagirdiin galggašii vejolaš seaivut vaikke girdiin jávkkašii el-rávdnji, muhto dál leat fuomášan teknihkalaš váttisvuođa golmma B250-ambulánsagirdis. 

Babcockas galggaše logi ambulánsagirdi olámuttos ja lea danin gártan háhkat moadde liigegirdi. 

– Mis leat guokte liigegirdi ja goalmmáda viežžat Ruoŧas vai bisuhit gearggusvuođa. Girdifabrihka mielas lea maid dat hirbmat duođalaš ja lea danin leat sádden ekspearttaid USA:s ja Duiskkas iskat girdiid, čállá Babcock preassadieđáhusas. 

Ambulánsagirdit main leat fuomášan boasttuvuođaid leat Gardermoenis ja Brønnøysundas.  (©NTB)

 

 

 

Ovdasiiddus dál