Almmuhus

Almmuhus

Geasis lea unnit vuvdon boaldá­muš

Bensiidnahattit olahit dađistaga ođđa olahusasid. Govven: Lise Åserud / NTB scanpix

Sihke diesel- ja bensiidnavuovdaleapmi lea njiedjan dán geasi. Čoggon vuovdaleapmi petroleumbuktagiin suoidnemánus lei measta rievdakeahttá diimmá ektui, SSB dieđuid mielde.

Almmuhuvvuon: 
Maŋŋebárga, 20 Borgemánu, 2019 - 15:24
Fáddásánit: 

Suoidnemánus vuvdui 110 miljovnna lihttera biilabensiidna, mii lea geahpedeapmi viđain miljovnnain diimmá suoidnemánu rájes.

Autodiesela vuovdaleapmi lea vel eambbo njiedjan – 10 miljovnnain lihtteriin.

Dát vuovdaleapmi lei 239 miljovnna lihttera, Statistihkalaš guovddášdoaimmahaga (SSB) loguid mielde.

 

Obbalaš vuovdaleapmi suoidnemánus lei 715 miljovnna lihttera.

Seamma áigodagas diibmá lei obbalaš vuovdaleapmi 717 miljovnna lihttera.

Dán jagáš gaskaboddosaš logut čájehit ahte biilabensiinna ja autodiesela čoggon vuovdaleapmi gártá lagabuidda 2,3 miljárdda lihttera.

Dat lea 4,5 proseantta geahpádus diimmá ektui seamma áigodagas.

Sihke bensidnii ja autodieselii lasihuvvo bioboaldámuš.

Lasihuvvui 333 miljovvna lihttera bioboaldámuš vuosttaš jahkebealis 2019:s, Vearroetáhta loguid mielde.

Dat gártá sullii 17 proseantta vuvdoon bensiinnas ja autodieselis.

©NTB

Ovdasiiddus dál