Juohkehaš beassá bivdit golbma rievssaha beaivái, mii lea okta unnit loddi go diibmá, dieđiha FeFo.
Čakčamánu 10. beaivvi álgá rievssatbivdu Finnmárkkus.
Finnmárkkoopmodat lea ovdagihtii čađahan rievssatlohkama ja dieđiha ahte gáržžidit dán čavčča bivddu.
Bivdoáigodaga beaiveearis leat golbma rievssaha dahje girona.
– Dán jagi beassá juohkehaš bivdit golbma lotti beaivvis ja dat lea okta unnit go diibmá. Rievssatjahki lea sullii nu go diibmá, muhto mii leat ovttas vuoigatvuođalaččaiguin mearridan gáržžidit bivddu danin go leat šaddan unnit rievssahat dán jagi ja danin go rievssatčivgan lea iešguđetlágan guovllus guvlui, dadjá FeFo meahccejođiheaddji Einar J. Asbjørnsen preassadieđáhusas.
30 rievssaha báikkálaččaide
Árvomeroštallamat čađahuvvojedje 13 gielddas borgemánu 5. beaivvis 20. beaivái.
Lea mearriduvvon ahte bivdit geat ásset Finnmárkkus besset bivdit 30 rievssaha dahje girona. Earri árvvoštallojuvvo ođđasit golggotmánus go gárduma earri mearriduvvon.
Johtti bivdit ges besset bivdit 20 rievssaha Finnmárkkuopmodagas.
Nuvttá bivdokoarttat
Finnmárkkoopmodat juohká dán jagi maid nuvttá bivdogoarttaid vuosttašgearddebivdiide geat orrot Finnmárkkus.
– Dát lea leamaš hui bivnnut ja ávžžuhit buot vuosttašgearddebivdiid váldit oktavuođa vai sáhttit ordnet sidjiide bivdokoarttaid, dadjá Asbjørnsen.
Unnit bivdokoarttat
Earret rievssatbivddu beaiveeari, de lea FeFo maiddái gáržžidan bivdokoartavuovdima.
Sii eai vuovdde šat ovdagihtii bivdokoarttaid seamma guhkes áigodaga go ovdal ja eanet bivdokoarttat eanalottiid bivdima várás eai leat šat fidnenláhkái.
– Mii oaidnit ahte leat oallugat háliidit bivdi Guovdageainnus ja Sállanis. Dáppe leat guossebivdit jo deavdigoahtán muhtin ráje bivdofiskkiid, nu ahte jus dáid guovlluin háliida bivdit, de berre doapmat oastit bivdokoartta.
Loddeearit ja bivdoáigi
Muhtin guovlluin leat sierra earit ja áigodagat goas ii leat lohpi bivdit.
Dasa lassin lea FeFo meahccejođiheaddjis Einar J. Asbjørnsenis ráva rievssatbivdiide.
– Nu go ovddit jagiid, de ávžžuhit seastit rávis lottiid. Bivdit galggaše diktet ovttaskas lottiid ja báraid girdit bážekeahttá, ja baicce báhčit go deivet stuorát bessosiid. Dalle lea buoret vejolašvuohta báhčit čivggaid mat eai ceavzze nu bures go rávis rievssahat, dadjá son.
Rádjemat
Vuovdeloddeearri Báhčaveajis ja Anárjogas:
– Mátta-Várjjaga ja Kárášjoga gielddas ásahuvvo beaiveearri mas lea okta vuovdeloddi (čukča/goahppil, hurričukča/hurrigoahppil) juohke bivdi nammii beaivvis, ja bivdoáigodatearri mas leat golbma lotti.
– Goahppiliid ja hurrigoahppiliid ráfáidahttin árvvoštallojuvvo čuovvulančoahkkimis golggotmánus.
Sállanis, Gádde-Iččáin, Iččáin, Jealmmeseadjus/Ruotnjárggas ja Muosáin:
Oaniduvvon rievssatbivdoáigi čakčamánu 10. b. rájes juovlamánu 23. b. rádjai.
Iččáin:
Bivdogieldu FeFo-eatnamiin dii. 08-17, áigodagas borgemánu 21. b. rájes borgemánu 31.b. rádjai.
Iččáin ja Láhppisullos gusto olbmuid lohkogáržžádus Finnmárkku ássiide.
