Čavčča válggain leat almmáiolbmot eanetlogus. Ovdal leat leamaš nissonolbmot eanetlogus. Guđa logi gielddas leat eanemus almmáiolbmot.
50,1 proseantta jienasteddjiin leat dievddut.
Ovdalaččas ledje nissonat eanetlogus, čájehit Statistihkalaš guovddášdoaimmaha logut.
Davvesiiddas Finnmárkkus leat eanemus dievddut, doppe leat 57 proseantta jienasteddjiin dievddut.
29 gielddas lea unnit oassi gos nissonat leat eanetlogus.
Hamaris Innlandas lea gielda gos nissonat leat eanetlogus, 52 proseanttain.
Njealji fylkkas leat nissonat eanetlogus: Oslos, Vestfolddas ja Telemárkkus, Innlandet ja Viken.
Dán jagi galget ovddasteaddjit válljejuvvot 356 gieldda- ja gávpotstivrii.
2015:s ledje 428 gieldda- ja gávpotstivrras, čájehit statistihkat, olbmuid geain lea jienastanriekti gielddastivra- ja fylkkadiggeválggas.
Regiovdnahábmen sivvan
Sivva dasa go gieldda- ja gávpotstivrra lohku lea njiedjan lea gieldda- ja regiovdnahábmema dihte.
Dát ođasteapmi, mii lea mearriduvvon Stuorradikkis, čađahuvvo ođđajagemánu 1. beaivvi 2020:s, muhto čavčča válggat čađahuvvojit dego ođasteapmi livččii jo dáhpáhuvvan.
121 gieldda časkojit oktii 47 ođđa gieldan, fylkkalohku njiedjá 11:i, Oslo maid.
Fylkadikkit geahpeduvvojit 18:s 11:i.
2015:s ledje 50 gielddas vuollel duháha jienastanvuoigatvuođalačča, dán jagi leat 37.
Lohku gielddain main leat badjel 60 000 jienastanvuoigatvuođalačča lea loktanan 7:s 11:i.
Vaikke ođasteapmi lea unnidan smávvagieldalogu, de leat ain eanaš gielddain vuollel 5000 jienasteaddji.
©NTB
