Dán jagi ledje 800 eanet ohccit fidnofágaide go joatkkaskuvlla oahppospesialiserensuorgái.
Máhttodepartemeanta dieđiha preassadieđáhusas ahte ovccis logi ohccis leat ožžon skuvlasaji fálaldaga maŋŋá go fylkkagielddat leat čađahan vuosttaš sisaváldima joatkkaskuvlla ohppui. 86 proseantta lea ožžon oahppofálaldaga iežaset vuosttaš háliidussii mii lea veaháš buoret go diibmá.
– Dán jagi ledje 800 eanet ohccit fidnofágaide go joatkkaskuvlla oahpporáhkanahttimii. Norga dárbbaša čeahpes fágabargiid. Lea buorre ođas go fidnofágat ain leat bivnnuhat. Lea buorre go eanet oahppit ožžo fálaldaga dan ohppui maid háliidedje eanemusat, lohká máhtto- ja integrerenministtar Jan Tore Sanner (Olgešbellodat).
