Almmuhus

Almmuhus

Láhppon olmmoš gávdnon Dápmotvuomis

Dápmotvággi. Uđasguovlu Sarretváris Dápmotvákkis gos njealje olgoriikkalačča válddahalle uđđasii ođđajagimánu 2.beaivvi. Dá leat politiijat ja rukses ruossa bargit ohcame dan golbmasa geat vel eai lean gávdnon dalle. Govven: Rune Stoltz Bertinussen/NTB scanpix

Romssa politiijabire duođašta ohcanveaga gávdnan ovtta jápmán olbmo Dápmotvuomis Romssas. Son lea sáddejuvvon Davvi-Norgga Univeristehta buohccevissui obdukšuvdnii.  Ohcanveahka ohcagođii dan njealját olbmot guhte váldui uđđasii Dápmotvuomis Romssas ođđajagimánus dán jagi, čállá NTB. 

Almmuhuvvuon: 
Gaskavahkku, 10 Suoidnemánu, 2019 - 10:59
Ođastuvvon: 
Ođastuvvon: 11.07.2019 - 08:37
Fáddásánit: 

Gaskavahkku iđit álggahedje Romssa politiijat oktan ohcanveagain ohcat láhppon 36 jahkásaš Suoma dievddu, Niklas Nymana (36). 

Badjelaš diibmu beal ovttas ikte beaivet gávnnai ohcanveahka ovtta jápmán olbmo mii sáddejuvvui Davvi-Norgga universitehta buohccevissui, čállá NTB. 

Romssa politiijabire dadjá iežaset addán dieđu Nyman oapmehaččaide ahte leat gávdnan ovtta olbmo guovllus gos muohtauđas fierai ođđajagimánus. 

Nyman lei ovttas golmmain earáin jođus Sarretvárrái go muohtauđas fierai. 

Guokte eará Suoma dievddu ja Ruoŧa nisu geat masse heakkaset dán uđđasii, gal leat gávdnon.

 

Máŋgii šaddan maŋidit 

Politiijat leat máŋgii šaddan maŋidit ohcanbarggu olu muohttaga ja dálkki geažil. 

Politiijat ohcet dievddu betanagiiguin báikkis gos uđas fierai.

Guovllus lea ain golbma meter asu muohta, dieđiha NTB. 

 

Ovdasiiddus dál