-Almmuhus-
-Almmuhus-
-Almmuhus-
OĐĐASATGonagas leamaš luossabivddus Álttájogas

Gonagas leamaš luossabivddus Álttájogas

-

-

Gonagas Harald lea guokte jándora leamaš Álttájogas buorre oaggunolbmáiguin. Gonagas ii ieš gal goddán guoli, muhto eará tuvraolbmát gal godde.

Gonagas Harald lea Mikkeli oaggunsajis leamaš oaggumin, muhto stuorraluosa, mii lei 17 kilosaš, lei riikaadvokáhta Georg Fredrik Rieber-Mohn gii gottii, čállá Altaposten.

– Juo, min fárus bođii bivdoboađus. Ieš in goddán luosa dán jagi, muhto earáin gal lei lihkku. Ovtta golmma luosas luittiimet ruovttoluotta johkii, muitala gonagas aviisii.

Duorastaga maŋŋelgaskabeaivvi, guokte jándora maŋŋel, bođii gonagas johkafatnasiin ruovttoluotta Sorrisnivai. Gonagas lei duđavaš su jahkásaš oagguntuvrrain Norgga davimus fylkkas.

– Lea hávski nu go dábálaččat. Dát lea dat jahkásaš, stuorra ja fiinna tuvra – ja lea máilmmi fiinnis leat dáppe, muitala gonagas dán jagáš tuvrra birra.

Tor Kjetil Wisløff dieđuid mielde lea dát 25. háve go gonagas oaggu suinna Álttájogas.

 

(©NTB)

-Almmuhus-