Biilabensiinnas ja -dieselis njiejai vuovdaleapmi olles 5,7 proseanttain geassemánus dán jagi, diimmá geassemánu ektui. Sihke bensiidna- ja dieselhattit leat divron mannan jagis.
Lea vuvdon 98 miljovnna lihttera biilabensiidna ovddit mánu, mii lea geahppáneapmi 5 miljovnnain diimmá geassemánu ektui.
Vuovdaleapmi vearrodáhtolaš dieselis njiejai 9 miljovnna lihtteriin ja loahpalaččat ledje 256 miljovnna lihttera oktiibuot, čájehit logut Statistisk sentralbyrå (SSB).
Vuovdaleapmi biilabensiinnas ja autodieselis njiejai 4,6 proseanttain seamma mánus diimmá ektui.
Statistihkka sisdoallá rusttetdiesela, mearrabiras gássaoljju, jetparafiinna, lossaoljju, cahkkehanoljju, cahkkehanparafiinna ja eará gálvvuid.
Oktiibuot vuvdojuvvojedje 725 miljovnna lihttera petroleumgálvvut geassemánus.
Gaskamearalaš haddi bensiinnas (blyfri 95 oktan) lassánii 15,65 ruvnnus diimmá geassemánus 15,99 ruvdnui lihtteris dán jagaš geassemánnui. Dieselhaddi ges lassánii 14,84 ruvnnus 15,01 ruvdnui lihtteris.
