Almmuhus

Almmuhus

Politiijat ávžžuhit várrogasat vánddardit

SILISÁVŽŽIS: Dákkár lei Silisávžžis, Álttá ja Suolovuomi gaskkas Oarje-Finnmárkkus, odne diibmu 07.00. Govven: Nils Johan Vars

Hellodatborggat Finnmárkkus, ja politiijat ávžžuhit njuolggut juo biiladeahkaid molsut jus galggat duoddariid badjel vuodjit Finnmárkkus.

Almmuhuvvuon: 
Vuossárga, 10 Geassemánu, 2019 - 13:06
Ođastuvvon: 
Ođastuvvon: 11.06.2019 - 08:33
Fáddásánit: 

Lea nubbi hellodatbeaivi, ja máŋgga sajis Finnmárkkus lea borgan vielgadin.

Muhtun sajiin vel luotta ala ge bissehan muohttaga.

Politiijat ávžžuhit ge dál biilavuddjiid várrogasat vánddardit.

Jus duoddariid badjel vel galgá vuodjit, de berre molsut deahkaid.

 

Galbma ijat

Jus geahččá yr.no dálkedieđáhusa, de čájeha doppe sihke borgga ja šlahti. maid čoaskkis álgovahku.

Guovdageaidnu:

Mánnodaga 1,5 mm šlahtti, beaivet 3 lieggaceahki, ihkku 0 lieggaceahki, 10 mehtera sekunddas biegga

muđui bivalda beaivet disdaga ja gaskavahku, muhto ihkku doallá 0 lieggaceahki.

 

Kárášjogas:

Mánnodaga šlahtti 5,5 mm, beaivet 3 lieggaceahki, eahkes 1 lieggaceahkki, 9 mehtera sekunddas biegga.

Muđui bivalda ja doallá disdaga 7 lieggaceahkki beaivet, ja 1 lieggaceahkki ihkku. Gaskavahku fas 0,2 mm arvi ja 12 lieggaceahki beaivet, ihkku 1 lieggaceahkki.

 

Deanušalddis:

Mánnodaga arvá 6 mm, sáhttá šlahtti, 4 lieggaceahki beaivet ja 2 ihkku.

Disdaga 6 lieggaceahki beaivet, eahkes 2. 0,1 mm arvi

Ovdasiiddus dál