Almmuhus

Almmuhus

Olu oahpa­headdjit guđđet skuvllaid

8100 oahpaheaddji heite ja álge eará surggiide logi jagis. Sakka unnit oahpaheaddjit válljejit máhccat skuvllaide. Čájáhusgovva: Gorm Kallestad/NTB Scanpix

Logi jagis luhpe badjel 8000 oahpaheaddji skuvllain ja bargagohte eará surggiin.

Almmuhuvvuon: 
Maŋŋebárga, 18 Geassemánu, 2019 - 15:19
Fáddásánit: 

Oktiibuot heite Norgga skuvllain 8100 oahpaheaddji 2008-2018 rádjái ja eanaš dáin bargagohte eará surggiin. 

Seamma áigodagas máhcce 3700 oahpaheaddji fidnosuorgái, čájehit Statistihkalaš guovddášdoaimmahaga logut. 

– Dát logut eai hirpmahuhte, muhto baicce duođaštit ahte lea dábáleabbo guođđit oahpaheaddjebarggu go máhccat dasa. Oahpaheaddjis lea miellagiddevaš, muhto gáibideaddji bargu ja guorahallama bohtosat čájehit ahte fidnosuorgi ii árvvus adno doarvái bures, dadjá Oahppolihtu jođiheaddji Steffen Handal. 

NTNU raporttas muitaluvvo ahte muhtin ráje oahpaheaddjit háliidit heaitit danin go leat váiban dahje danin go eai šat loavtte ja nagot áŋgiruššat.

Muhtin oahpaheaddjit árvvoštallet maiddái heaitit heajos bálkká geažil, čállá NTB.

Ovdasiiddus dál