Finnmárkku politiijaguovllubálvát leat johtolaga dárkkistan mannan jándora sihke Oarje- ja Nuorta-Finnmárkkus.
Álttás Guovdageainnu guvlui dárkkistii politiija 40 biilla, iske ledje go biilavuoddjiin báhpárat fárus ja ledje go juhkan. Buot ortnegis.
Mátta-Várjjagis, Uvduvuonas dárkkistii politiija johtolatleavttu E6 geainnu alde eahketbeallái. Eanemus hoahppu lei sus gii vujii 106 km/t 80-leaktoguovllus.
Kirkonjárggas dárkkistii geaidnopolitiija veaigin, ledje go 107 biilavuoddjis fárus báhpárat ja ledje go juhkan. Buot ortnegis.
Porsáŋggus dárkkistii geaidnopolitiija johtolatleavttu E6 geainnu alde Čuđegiettis veaigin. Guđas vudje menddo johtilit 60-leaktoguovllus ja jođánamos leaktu mihtiduvvui 85 km/t.
Porsáŋggus, Iŋggášguolbanis, dárkkistii politiija 14 biilavuoddji johtolaga E6 geainnu alde. Buot ortnegis.