E-visa álgá fargga doaibmat eaŋkilmátkkiid ovddas, mat bistet vuollel 16 beaivvi. Seammás dieđihuvvo maid ahte ii galgga šat dárbu duođaštit bovdehusa go áiggut Ruššii.
Nuortariikkain ja Zabaykalsky guovllus mii lea Kiinná rájis, leat 18 riikka ássi Asias ja Gaskanuortariikkain leat 2017 rájes sáhttán ohcat elektrovnnalaš visa (e-visa) go áiggut galledit Ruošša gitta gávcci beaivvi, dieđiha The Barents Observer.
Ođđajagimánu 1.beaivvi 2021 galgá dát vuogádat álgit doaibmat olles Ruoššas, lea turismma almmolaš kantuvrra jođiheaddji Zarina Doguzova cealkán.
De besset buohkat geain lea Kiinná, Lulli-Korea, Japan, EO-riikka ja riikkat mat gullet Schengenguvlui, nu go Norga ja Islándda pássat, ohcat e-visa.
Ássit geain lea Stuorrabrittania, Kanada ja USA pássa eai leat mielde dan ođđa e-visavuogádagas.
