Dál lea čielggas ahte WWF oažžu 2020 TV-akšuvnna ruđa, muhto dan eai áiggo boanddat ja bivdit doarjut.
Mannan duorastaga čielggai ahte lea Máilmmi meahcceeallefoanda (WWF) mii oažžu dan ruđa mii čohkkejuvvo 2020 TV-akšuvnna bokte.
Dasa reagerejit dál Norggas boanddat ja bivdit.
Dan čállá nationen.no neahttaaviisa.
Ágga reakšuvnnaide lea go WWF ja jođiheaddji Bård Vegar Solhjell áigot bisuhit boraspiriid Norgga meahcis.
Solhjell galgá leat máŋgii reageren movt Norggas hálddašuvvojit boraspiret, ja earenoamážit lea reageren gumpehálddašeapmái.
Dasa lassin galgá WWF maid ruđalaččat dorjon ovttastusaid mat barget ahte eai báže lobiheamet meahcceelliid. Dan ášši leat dutkame dál.
Boanddat leat reageren dasa Facebook-joavkkus, «Norgga eanandoalu olbmát», ja bivdit fas «Bivdiid beroštumiid organaisášuvdna» joavku Facebookas.
Eai áiggo addit ruđa, ja muhtumat bivdet muhtun eará vuoiggalaččat organisašuvdna galggašii oažžut dan ruđa ovdalii go WWF.
Lei WWF prošeakta, «Čáhci plastihka haga gádju heakka», mii lei buoremus dan 13 ohcci gaskkas mat ledje ohcan oažžut TV-akšuvnna ruđaid 2020:s.
2019:s lea CARE mii oažžu TV-akšuvnna ruđa.
