31 biilavuoddji sáhkkohalle disdateahket go geaidnopolitiijain lei johtolatdárkkisteapmi.
Disdateahket leat geaidnopolitiijat dárkkistan johtolaga luotta alde njealji báikkis.
Dat mielddisbuvttii ahte 31 biilavuoddji šaddet skoahpalit ruđa stáhtii.
Vuos Deanus, gos dárkkistedje E6-luottas báikkis gos lea 80 km/d leahttomearri.
Čiežas sáhkkohalle, ja eanemus leahttu lei 96 km/d sus gii eanemus rihkui leahttomeari.
Reaššvuonas Álttás maid dárkkistedje sullii seamma áigge.
Doppe sáhkkohalle logis go leat beare leahtus vuoddján. Eanemus leahttu maid mihtidedje lei 60 km/d luottas gos lei leahttomearri 50 km/d.
Stuoravuonas fas Unjárgga gielddas sáhkkohalle gávcci biilavuoddji. Eanemus leahttu ovtta biillas lei 109 km/d luottas gos leahttomearri lei 80 km/d
Billávuonas fas, Porsáŋggu suohkanis, sáhkkohalle guđas. leahttodárkkisteapmi lei luottas gos leahttomearri lea 60 km/d.
Eanemus leahttu daid biilavuddjiid gaskkas lei 85 km/d.