-Almmuhus-
-Almmuhus-
-Almmuhus-
OĐĐASATVarddii jámas

Varddii jámas

-

-

Dievdu, gii loahpas cuoŋománu gottahalai Donjevuonas, lea bážahallan juolgái ja varddii jámas. Dan čájeha gaskaboddosaš rumašrahpanraporta.

Gaskaboddosaš raporta rumašrahpamis Donjevuona goddináššis lea dál gárvvis.

– Raporta čájeha ahte Gisli Thor Thorarinsson varddii jámas maŋŋel go lei báhččon čoarbbeallái, dieđihit Finnmárkku politiijaguovllus preassadieđáhusas.

 

Gávdnui bahut roasmmehuvvan

Thorarinsson bážahalai loahpas cuoŋománu Donjevuonas, Nuorta-Finnmárkkus.

Politiijat ožžo lávvordaga cuoŋománu 27. beaivvi čuovganeapmái dieđu ahte muhtin dievdu lea báhččon Donjevuonas sullii diibmu 05.30.

40-jahkásaš dievdu gávdnui bahut roasmmohuvvan muhtin viesus Donjevuonas.

Heahteveahkit geahččaledje gádjut dievddu, muhto eai nagodan gádjut su heakka ja son jámii.

35-jahkásaš lea áššáiduhtton goddima ovddas ja 32-jahkásaš fas go lea searvan daguide. 35-jahkásaš dievdu lea biddjon njealji vahkkui rájusgiddagassii ja 32-jahkásaš fas vahkkui.

 

50 vihtana

Finnmárkku politiijaguovllus dieđihit ahte dutkama olis leat dássážii gažadan 50 vihtana.

– Mii vuordit ain analysaid bissuin, elektrovnnalaš luottain ja eará.  Jápmán dievddu iige áššáiduhtton dievddu namas eai leat registrerejuvvon bissut. Dutkan dássážii čájeha ahte áššáiduhtton dievdu lea juoga ládje ožžon bissu seamma beaivvi go goddin dáhpáhuvai, čállet politiijat preassadieđáhusas.

 

Sáddejuvvo Islándii

Politiijat muitallitl ahte Islándda ambassáda lea ožžon dieđu ahte rumašiskkadeapmi lea dál čađahuvvon, ja liika sáhttá sáddejuvvot jápmán dievddu ruovtturiikii, Islándii.

Dievddu oapmahaččaide lea Edel Hennie Olsen nammaduvvon veahkkeadvokáhttan.

 

-Almmuhus-