Almmuhus

Almmuhus

Sihkastit gearde­divada boares vuojániin

II DÁRBBAT MÁKSIT: Jus dákkár biilla áigu importeret, de ii dárbbat máksit geardedivada. Vuorkágovva: Roy Arthur Olsen

Ráđđehus evttoha sihkastit geardedivada vuojániin mat leat boarráseappot go 20 jagi.

Almmuhuvvuon: 
Maŋŋebárga, 14 Miessemánu, 2019 - 16:18
Ođastuvvon: 
Ođastuvvon: 15.05.2019 - 15:21
Fáddásánit: 

Geardedivat mákso go vuoján vuosttaš geardde registrerejuvvo, ja guoská eanas biillaide.

Adnon biillain, mat importerejuvvojit Norgii, ožžot proseanttalaš geasu divadis ja lea vuojána ahki mii mearrida man ollu geasu galget oažžut. Vuojániin, mat leat boarráseappot go 30 jagi, mákso dál dušše ráhtomáksodivat, ii ge geardedivat.

Granavolden-plattfoarpmas lea ráđđehus cealkán ahte sii áigot sihkastit geardedivada vuojániin mat leat boarráseappot go 20 jagi.

– Dat mearkkaša ahte earret eará biillat ja mohtorsihkkelat mat leat boarráseappot go 20 jagi sáhttet importerejuvvot nu ahte ii dárbbaš máksit geardedivada, eará go ráhtomáksodivada, dadjá ruhtadanministtar Siv Jensen preassadieđahusas.

Rievdadus galgá doaibmagoahtit suoidnemánu 1. beaivvi rájes.

Ovdasiiddus dál