Áigodaga nuppi čiekčamis válddii Guovdageaidnu golbma čuoggá Finnmárkku viđát divišuvnnas.
Reaššvuona nubbi joavku finadii Bákteváris disdaga. Dá lei Guovdageainnu vuosttaš ruovttučiekčan dán áigodaga, ja de gal báhce golbma čuoggá maid ruoktot, Báktevárrái.
Mika Holmen Hætta bážii goappašat moalaid.
Andres Mauricio Duque Giraldo čievččai iežas vuosttaš čiekčama Guovdageainnu ovddas, ja Nils Erik Oskal, Mihkkal Ánte Oskal ja Per Isak Vars ledje fas ruovttoluotta maŋŋel go eai leat čiekčan Guovdageainnu ovddas maŋemus áigodaga.
